Повеќе од 120 уметници ќе бидат дел од централниот проект за одбележување 35 години независност на Македонија, беше соопштено на денешната прес-конференција.

Македонскиот режисер Дејан Пројковски подготвува голем музичко-сценски спектакл, поточно мјузикл, во чест на 35 години независност на Македонија, во соработка со „Авалон продукција“ и „ОХО продукција“.

Патувачкиот музичко-сценски перформанс, односно мјузикл, има за цел да ја прослави македонската култура, историја, спорт и уметност со повеќе од 120 македонски артисти (музичари, актери) и спортисти, кој ќе вклучи меѓу 14 и 15 настани што ќе се реализираат низ 15 градови во Македонија.

Тимот што ќе го реализира овој проект го сочинуваат Дејан Пројковски – режисер и реализација, Игор Џамбазов – главен шеф на бината и продуцентот Пеце Талески (ОХО продукција).

Игор Џамбазов рече дека настанот ќе се отвори со антологиска поезија, надоврзувајќи се на големите успеси на државата на секое поле – од врвните спортски достигнувања до уметничките блесоци, со цел на културолошки начин да ги поврзе генерациите што твореле и растеле во овие три и пол децении, вклучувајќи филм, поезија, литература и музика.

Покрај мјузиклот, за кој други детали не беа објавени, 35 години независност ќе бидат прославени и со настапот на Дејвид Гета на стадионот „Тоше Проески“ и со музичкиот спектакл на плоштадот Македонија во Скопје, на кој главна ѕвезда ќе биде шпанскиот тенор Хозе Карерас.

Деталната програма, датумите и точните локации за сите 15 градови ќе бидат дополнително соопштени во следниот период.

Светски познатиот тенор Хозе Карерас и македонските ѕвезди ќе пеат на скопскиот плоштад по повод 35 години независност на Македонија

За помалку од 12 часа распродадени се 50.000 влезници за концертот на Дејвид Гета во Скопје