Јавноста веќе знае дека пејачката Тејлор Свифт и спортистот Тревис Келси летово ќе стапат во брак. Доколку шпекулациите се покажат како точни и навистина се венчаат на 3 јули во „Медисон Сквер Гарден“, останува едно од најинтересните прашања – кој ќе ја дизајнира венчаницата на светската музичка ѕвезда?

Одговорот засега не го знае никој. Можно е Свифт да се одлучи за некоја од модните куќи на кои им е верна со години, но не е исклучено да ги изненади сите со избор на помалку познат дизајнер. Таа и претходно покажала дека сака да им даде шанса на нови имиња – токму така јавноста го откри и тогаш речиси непознатиот златар Киндред Лубек, кој го изработи нејзиниот свршенички прстен, пишува „Вог“.

Во продолжение се петте модни имиња што најчесто се споменуваат како можен избор за нејзиниот најважен фустан.

Ако сака да остане верна на американската класика – „Ралф Лорен“

Тејлор Свифт со години носи креации од „Ралф Лорен“ – од лежерни летни комбинации до препознатливи капчиња и фустани.

Најголемата причина поради која многумина веруваат дека токму оваа модна куќа ќе ја изработи нејзината венчаница е фактот што на фотографиите од свршувачката носеше црно-бел фустан со пруги од „Ралф Лорен“, кој веднаш беше распродаден.

Обожавателите потсетуваат дека Свифт сака да остава скриени пораки и симболика во своите модни избори, па некои сметаат дека токму тој фустан бил навестување за она што допрва следува.

Ако сака класична невестинска елеганција – „Вивијан Вествуд“

Од сите модни куќи, Тејлор во последните години најчесто се појавува во креации на „Вивијан Вествуд“.

Ги носи и во приватниот живот и на најважните јавни настани. На натпревар на „Канзас Сити Чифс“ се појави во кариран корсет со здолниште, а на доделувањето на наградите Греми во 2025 година блесна во црвен мини-фустан со препознатлив корсет.

„Вивијан Вествуд“ е еден од најбараните избори меѓу славните невести, а со оглед на тоа што Свифт е голем љубител на корсетите, многумина сметаат дека токму оваа модна куќа е најреалниот кандидат.

Ако сака драматичен изглед – „Скијапарели“

Интересно е што Свифт досега носела само една креација од „Скијапарели“ – бел фустан со корсет, висок шлиц и долги црни ракавици на Греми во 2024 година.

И покрај тоа, многумина веруваат дека токму креативниот директор Даниел Роузбери би можел да создаде спектакуларна венчаница доколку пејачката посака нешто навистина впечатливо.

Некои модни аналитичари дури сметаат дека таа намерно досега ретко носела „Скијапарели“, чувајќи ја оваа модна куќа за посебен момент.

Ако сака да поддржи нова генерација дизајнери – „Видерхофт“

Младиот американски дизајнер Џексон Видерхофт веќе двапати ја облекуваше Тејлор Свифт.

Во 2025 година за гостувањето кај Сет Маерс таа избра цветен корсет со мини-здолниште, а годинава на доделувањето на наградите „Ајхарт радио мјузик авордс“ повторно носеше негова креација – впечатлив комплет во светлозелена нијанса.

Иако е релативно ново име, „Видерхофт“ веќе стекна голема репутација во светот на венчалната мода. Ако Свифт сака нешто традиционално, но истовремено и неочекувано, ова би можел да биде нејзиниот избор.

Ако сака да остане верна на проверените соработници – Лора Ким и Фернандо Гарсија

Тејлор Свифт е долгогодишна обожавателка на креациите што ги потпишуваат Лора Ким и Фернандо Гарсија во модната куќа „Оскар де ла Рента“.

Таа носеше нивни фустани на премиерата на концертниот филм „Ерас тур“, на доделувањето на Видео-музичките награди на Ем-ти-ви во 2022 година и на Греми во 2021 година.

Покрај тоа, таа се појави и во креација од нивниот сопствен бренд „Монсе“, што покажува дека има доверба во нивната естетика без разлика за кој бренд дизајнираат.

Иако двајцата неодамна се повлекоа од креативното раководење на „Оскар де ла Рента“ за да му се посветат на „Монсе“, модните познавачи сметаат дека токму тие би можеле да создадат спектакуларна венчаница за една од најголемите музички ѕвезди на денешницата.

Том Хенкс им даде брачен совет на Тејлор Свифт и Тревис Келси: „Мажот мора да прави…“