По завршувањето на првите два дена од последното коло во групната фаза на Светското првенство 2026, веќе се познати 19 селекции кои обезбедија пласман во нокаут-фазата, како и првите четири осминафинални двојки.

Меѓу репрезентациите што продолжуваат во елиминацискиот дел од турнирот се Мексико, САД, Германија, Аргентина, Франција, Норвешка, Колумбија, Швајцарија, Канада, Бразил, Мароко, БиХ, Јужна Африка, Брегот на Слоновата Коска, Еквадор, Холандија, Јапонија, Шведска и Австралија.

Воедно, познати се и првите осминафинални пресметки. Јужна Африка ќе игра против Канада, Холандија ќе се соочи со Мароко, САД ќе ги одмерат силите со БиХ, додека Бразил ќе се пресмета со Јапонија.

Останатите патници во нокаут-фазата, како и комплетниот распоред на осминафиналните натпревари, ќе бидат познати по одигрувањето на преостанатите средби од групната фаза во следните два дена.

Елиминацискиот дел од Светското првенство стартува в недела од 21:00 часот, со дуелот меѓу Јужна Африка и Канада.

ВИДЕО | Мундијалски вести: Еквадор преку пресврт ја совлада Германија, „лалињата“ играат застрашувачки

ФОТО | Обложувач вложил 1,1 милијарда долари на Бразил-Шкотска и бил добитен