Легендарниот Златан Ибрахимовиќ не го криеше воодушевувањето по историскиот успех на Босна и Херцеговина на Светското првенство, откако репрезентацијата предводена од Сергеј Барбарез го совлада Катар со 3-1 и обезбеди место во нокаут-фазата.

Швеѓанецот со босански корени призна дека бил преплавен од емоции додека го следел славјето на босанските фудбалери и навивачи.

„Токму ваквите моменти покажуваат колку е моќен фудбалот и како може да ги зближи луѓето. Босна и Херцеговина помина низ многу предизвици, па затоа оваа радост има уште поголемо значење.  Се наежив, бидејќи таму се корените на мојот татко““, изјави Ибрахимовиќ.

Тој упати и пофалби за атмосферата на трибините, нагласувајќи дека поддршката од босанските навивачи била спектакуларна.

„Да слушате десетици илјади луѓе како пеат заедно е нешто што не се доживува секој ден. Искрено, навивачите на Босна и Херцеговина веќе победија на ова Светско првенство. Горд сум на нив и пресреќен поради сѐ што се случува“, порача Ибрахимовиќ.

Во осминафиналето Босна и Херцеговина ќе се соочи со домаќинот САД, а натпреварот е закажан за 2 јули во Сан Франциско.

Zlatan got goosebumps after Bosnia and Herzegovina won its final group stage match 🇧🇦@Ibra_official pic.twitter.com/52o54gntOh

— FOX Sports (@FOXSports) June 25, 2026

Жаирзињо, Ромарио, Роналдо, Ривалдо, и сега Винисиус во 2026 – дали историјата се повторува?

Во недела можеме да бидеме сведоци на најголемиот мундијалски срам во историјата