Македонскиот шампион Вардар продолжува со убедливите настапи на подготовките во Италија, откако во контролен натпревар славеше со високи 12-0 против италијанскиот аматерски состав Норчија.

Во центарот на вниманието беше Закариќ, кој блесна со пет постигнати голови. Двоен стрелец беше Николов, исто како и Дурански и Пиреш, додека еден погодок во мрежата на домаќините заврши по автогол.

Стручниот штаб на „црвено-црните“ го искористи дуелот за да им даде минутажа на поголем број фудбалери и да ја провери нивната подготвеност пред стартот на новата сезона.

Следниот тест за вардарци ќе биде против Ла Фиорита од Сан Марино, противник добро познат од минатото лето, кога двете екипи се соочија во квалификациите за Конференциската лига.