Француската воена морнарица пресретнала и започнала инспекција на нафтен танкер од Русија во близина на брегот на италијанскиот остров Сицилија, соопшти денеска францускиот претседател Емануел Макрон.

La Marine Nationale a arraisonné mardi le pétrolier Deliver alors qu’il transitait au large de la Sicile en infraction avec le droit de la mer.

Cette nouvelle action contre la flotte fantôme, conduite quelques jours après une opération similaire par le Royaume-Uni… pic.twitter.com/5Gjn43MhLr

— Emmanuel Macron (@EmmanuelMacron) June 25, 2026

Макрон, во објава на социјалната мрежа Икс, наведе дека танкерот „Деливер“ не го почитувал меѓународното поморско право и дека бил запрен во вторник.

На снимката што ја објави на Икс се гледа како припадници на вооружените сили се качуваат на бродот.

Во одделна објава на Икс, министерката за одбрана Катрин Вотрен соопшти дека постојат сомневања оти бродот пловел под лажно знаме.

Макрон оцени дека операцијата против руската флота во сенка ја покажува решителноста на Европа.

„Нема да дозволиме флотата во сенка да ги заобиколува санкциите и да ги финансира воените напори на Русија“, порача Макрон.

Вотрен истакна дека протокот на пари мора да се запре за да се забави руската воена економија.

Таа додаде дека активностите на руската флота во сенка претставуваат и директна закана за поморската безбедност и за животната средина.

Франција во изминатите месеци запре неколку бродови за кои постојат сомневања дека се дел од руската флота во сенка.

Макрон: Трамп мислеше дека Украина ќе изгуби, но сега ја почитува нејзината отпорност