Една од најголемите ѕвезди меѓу во НБА, Ламело Бол, ја завршува својата етапа во Шарлот и се сели во редовите на Минесота.

Според информациите на реномираниот НБА инсајдер Шемс Чарнија, челниците на Минесота решиле агресивно да влезат во битката за шампионската титула и прават голем чекор кон засилување на ростерот.

Со ангажманот на Бол, Тимбервулвс формираат исклучително моќен бековски тандем заедно со Ентони Едвардс, комбинација која веќе привлекува огромно внимание во кошаркарската јавност. Во исто време, Шарлот се одлучи за целосна реконструкција на тимот и отворање на ново поглавје во развојот на франшизата.

Како дел од договорот, Хорнетс добија сериозен пакет во кој се вклучени Наз Рид, Роб Дилингам, два избора од првата рунда на идните драфтови, како и право на замена на избори во првата рунда.

Бол беше избран како трет пик на НБА драфтот во 2020 година и во изминатите сезони се наметна како главно лице на тимот од Северна Каролина. Неговите атрактивни асистенции, креативноста во играта и спектакуларните потези често беа меѓу најгледаните моменти во лигата.

Сепак, и покрај одличните индивидуални партии, недостатокот на конкурентен состав околу него, како и честите проблеми со повредите, не му дозволија да го одведе Шарлот до позначајни резултати на тимски план.

BREAKING: The Charlotte Hornets are trading star guard LaMelo Ball and Josh Green to the Minnesota Timberwolves for Naz Reid, a 2033 unprotected first-round pick, three first-round pick swaps (2028, 2029, 2030) and three second-round picks (2029, 2032, 2033), sources tell ESPN. pic.twitter.com/lkhXBWHCrA

— Shams Charania (@ShamsCharania) June 25, 2026