Фото: mtftennis.mk

Историски момент за македонскиот тенис: Лина Ѓорческа ќе игра на Вимблдон!

Најдобрата македонска тенисерка Лина Ѓорческа ја потврди одличната форма во која игра во последниот период со најголемиот успех во својата кариера, пласман на главниот турнир на Вимблдон.

Ѓорческа денеска во третото квалификациско коло одигра фантастичен меч и ја прегази Италијанката Бронзети која е 127. тенисерка во светот и важеше за фаворит.

Мечот за Ѓорческа не тргна најдобро и го загуби својот сервис во првиот гем, но потоа следуваше вистинска доминација. Македонската тенисерка ги освои наредните шест гема и со 6-1 поведе со 1-0 во сетови.

Во вториот сет Ѓорческа беше сигурна на свој сервис и не дозволи да го изгуби, а сетот го освои со 6-2 за најголема победа во кариерата.

Пласманот на Ѓорческа на Вимблдон е голем успех воопшто за македонскиот тенис затоа што за првпат во нашата историја ќе имаме претставник во сингл конкуренција на еден грен-слем турнир.

ВИДЕОИНТЕРВЈУ | Најдобрата македонска тенисерка Лина Ѓорческа: Пред натпревар го слушам Оливер Драгоевиќ

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот