Преку единствениот број за итни случаи 112, денеска била примена пријава за пожар на гуми во скопската населба Бутел, во близина на обиколницата, информираше Центарот за управување со кризи (ЦУК).

Пожарот е пријавен на потегот кај улицата „Христијан Тодоровски-Карпош“ и клучката Радишани.

По добиената пријава, веднаш била известена Бригадата за противпожарна заштита, која излегла да интервенира на терен.

Засега нема информации дали пожарот се проширил, ниту дали е причинета материјална штета.

Надлежните служби ја следат состојбата, а повеќе информации се очекуваат по завршувањето на интервенцијата.

Жена во Словенија заспала со запалена цигара, предизвикала пожар во зградата