Велешанец вчера бил приведен откако со камион прегазил 54-годишен пешак, кој им подлегнал на повредите на местото на несреќата.

Сообраќајната несреќа се случила на улица „Раштански пат” во Велес, велат од Министерството за внатрешни работи, кога 55-годишниот возач на товарно возило „волво“ со скопски регистарски ознаки и со приколка со велешки регистарски ознаки, удрил во пешакот О.Ѓ., од Велес.

„Од здобиените повреди на местото на несреќата починал пешакот, а смрт констатирал лекар од Итна медицинска помош Велес. Возачот С.Д. е лишен од слобода, а увид на местото извршиле јавен обвинител и увидна екипа од СВР Велес“, изјавија од МВР.

По наредба на јавен обвинител, телото на починатиот било предадено на обдукција.

Камион прегази пешак на патот Куманово-Крива Паланка