Министерката за финансии Гордана Димитриеска-Кочоска, одговарајќи на новинарско прашање поврзано со затворањето на Одделот за имунологија на Детската клиника во Скопје, упати серија прашања до раководството на установата и ја оспори нивната аргументација околу недостигот на согласности за вработување.

-Ако барањето од Детската клиника е пристигнато на 22 јануари, тогаш како тие доктори и вработени доаѓале на работа претходните 22 дена? Кој ги повикувал на работа ако немале регулиран статус? Такви работи требало да се обезбедат уште пред Нова година- изјави министерката.

Таа посочи дека институциите имаат законски рокови за постапување по барањата и повика јавноста да побара дополнителна документација од надлежните.

-Побарајте ги документите од архивите. Нека покажат колку согласности добиле во април, кого тогаш вработиле и кои лица останале без трајно вработување. Кои 38 лица се вработени, нека кажат кои се тие лица- рече Димитриеска-Кочоска.

Министерката нагласи дека во буџетот евидентно е зголемување на ставката за плати за 1,1 милијарда денари, додавајќи дека од институциите било побарано рационализирање на трошоците до пет проценти.

Директорот на Детска клиника Реџеп Мемеди го затвори одделот за имунологија