ФОТО | Сопругата на Меси му испрати емотивна порака откако Аргентинецот испиша историја на Светско
Лионел Меси уште еднаш влезе во историјата на светските првенства. Со двата гола против Австрија стана најдобар стрелец во историјата на Мундијалите и стигна до вкупно 18 погодоци, со што го надмина досегашниот рекордер Мирослав Клосе.
Препорачано
Меси на натпреварот промаши пенал, но брзо се искупи. Погоди во 38. и во 95. минута и така стигна до пет гола на овој турнир. Во првиот натпревар против Алжир постигна хет-трик.
Неговиот рекорд предизвика бројни реакции, а особено внимание привлече објавата на неговата сопруга Антонела Рокуцо. Таа натпреварот го следеше од трибините на стадионот во Далас заедно со нивните три сина, Тијаго, Матео и Чиро, кои носеа дресови на својот татко.
По натпреварот, Антонела на Инстаграм, каде што ја следат 40 милиони луѓе, му упати порака на Меси.
„Каква привилегија е да те гледаме како повторно испишуваш историја“, напиша таа, а Меси ѝ одговори кратко: „Те сакам“.
Објавата брзо собра бројни коментари од навивачите.
„Го сакам ова семејство кое постојано ни носи радост“, напиша еден следбеник.
„Каква привилегија е за сите нас повторно да бидеме сведоци на историјата. Бог навистина го благословил“, додаде друг.
Меси сега има 18 голови на светските првенства, а од активните фудбалери најблиску до него е Килијан Мбапе. Францускиот напаѓач досега постигна 14 голови на светските првенства, од кои четири на актуелниот турнир.
Да потсетиме, љубовната приказна на Меси и Антонела трае уште од детството. Се запознале во Росарио кога имале само неколку години, а Антонела е братучетка на пријателот на Меси, Лукас Скаља.
По периодот на врска на далечина и годините во кои Меси ја градеше кариерата во Барселона, двојката во 2009 година јавно потврди дека е во врска.
Се венчаа во 2017 година во родниот Росарио, а денес имаат три сина – Тијаго, Матео и Чиро. Антонела со години е една од неговите најголеми поддршки и редовно е на трибините за време на најважните натпревари на аргентинската репрезентација.
