Филип Лам: Џани Инфантино го „продаде“ Светското првенство
Филип Лам, поранешниот капитен на германската фудбалска репрезентација, со која го освои Светското првенство во 2014 година, остро ја критикуваше Меѓународната фудбалска федерација (ФИФА), пренесува „ЕСПН“.
Препорачано
Германскиот ас напиша во колумна во весникот „Ди Цајт“:
– Светското првенство е распродадено од ФИФА. Сè е околу парите и го одзема кредибилитетот на фудбалот. Како резултат на тоа, навивачите се чувствуваат непријатно. За нив станува сè потешко да ја одвојат ФИФА од самиот настан – пишува Лам.
Лам го осуди проширеното Светско клупско првенство, кое се одржа за прв пат минатото лето, за неговото влијание врз физичкото здравје на играчите.
Тој, исто така, се придружи на критиките за цените на билетите на овогодинешното Светско првенство, пишувајќи:
– ФИФА е обвинета дека не дава искрени податоци за реалната побарувачка и дека ги користи овие податоци за максимизирање на приходите. Иритиран сум од предлогот Светското првенство да се одржува на секои две години. Турнирот бара подготовка и мониторинг за да има трајно влијание – се зборовите на Лам.
