Хулијан Алварез повеќе не крие дека размислува за разделба со Атлетико Мадрид, а шпекулациите за негов трансфер во Барселона добија дополнителна тежина по неговата изјава по натпреварот против Австрија.

Аргентинскиот напаѓач призна дека не е целосно задоволен од актуелната ситуација и дека отворено разговарал со клупското раководство за својата иднина.

„Можеби не е најдобриот момент да зборувам за тоа, но не сакам да се преправам дека сѐ е во ред. Искрен сум со луѓето во клубот и сметам дека за сите е најдобро да заминам од Атлетико и да го остварам својот сон“, изјави Алварез.

Според шпанските медиуми, токму Барселона е неговата најпосакувана дестинација, а каталонскиот гигант го гледа како главна опција за засилување во нападот.

Алварез е прва желба на Барса во летниот преоден рок, особено по заминувањето на Роберт Левандовски на крајот од минатата сезона.