Мароканскиот репрезентативец Нусаир Мазрауи со својата последна изјава предизвика изненадување во фудбалските кругови, откривајќи дека не ја исклучува можноста да стави крај на кариерата по завршувањето на Светското првенство.

Во разговор со медиумите, 28-годишниот фудбалер призна дека размислува за живот по фудбалот и за остварување на лични цели кои за него имаат посебно значење.

„Можно е по Светското првенство да се повлечам од професионалниот фудбал. Животот е краток“, изјави Мазрауи.

Тој откри дека една од неговите најголеми желби е целосно да го изучи Куранот и во иднина да се посвети на верскиот живот.

„Сакам да го научам Куранот напамет и еден ден да станам имам во џамија“, порача мароканскиот репрезентативец.

Неговите зборови предизвикаа бројни реакции кај навивачите и фудбалската јавност, особено поради фактот што Мазрауи сè уште настапува на највисоко ниво и се наоѓа во период кога се очекува да ги достигне најдобрите години од својата кариера.

Во моментов Мазрауи е член на Манчестер јунајтед и важи за еден од клучните играчи на мароканската репрезентација.

ВИДЕО | Еден натпревар на Мундијалот на Ибрахимовиќ му бил многу здодевен: Заспав во второто полувреме

Ганскиот врач што тврдеше дека го „средил“ Роналдо, сега му се закани на Кејн

Неговиот татко му ја уништувал опремата за да го откаже од фудбалот, живеел како бездомник, а сега беше херој на Иран