Италијанскиот фудбал доби нов лидер. Фудбалскиот сојуз на Италија официјално соопшти дека Џовани Малаго е избран за нов претседател, откако убедливо славеше во изборната трка против Џанкарло Абате.

Гласањето се одржа во седиштето на Сојузот во Рим, а Малаго ја доби довербата на делегатите со речиси 69 проценти од гласовите.

Искусниот спортски функционер е добро познат на италијанската јавност, особено по неговата улога како претседател на Италијанскиот олимписки комитет, функција што ја извршуваше од 2013 до 2025 година.

Малаго на оваа позиција го наследува Габриеле Гравина, кој поднесе оставка по неуспехот на италијанската репрезентација да обезбеди место на Светското првенство, откако беше елиминирана во баражот.

Пред новиот претседател сега стои задачата да го води италијанскиот фудбал низ период на реформи и враќање на репрезентативниот и клупскиот успех на меѓународната сцена.

Giovanni Malagò is the new President of the FIGC 🇮🇹 pic.twitter.com/JAkBSkfe94

— Italy ⭐️⭐️⭐️⭐️ (@Azzurri_En) June 22, 2026