Македонскиот репрезентативец Андреј Јакимовски стави крај на соработката со Тренто, откако италијанскиот клуб потврди дека кошаркарот ја активирал клаузулата за раскин на договорот.

„Кошаркарскиот клуб Тренто информира дека Андреј Јакимовски ја искористи можноста за предвремен излез од договорот, кој важеше и за сезоната 2026/27. Му благодариме за професионалниот однос, посветеноста и придонесот во текот на сезоната и му посакуваме многу успех во понатамошната кариера. Благодариме, Јаки“, соопштија од италијанскиот клуб.

Зад Јакимовски е успешна сезона во дресот на Тренто, каде настапуваше во италијанскиот шампионат и во Еврокупот.

По потврдата за разделбата, Јакимовски се обрати до навивачите и клубот со емотивна порака.

„Тренто, не можев да посакам подобро место за почеток на ова поглавје од мојата кариера. Од првиот ден се чувствував како дома. Заедно создадовме спомени што ќе ги паметам засекогаш. Секогаш се трудев да го дадам максимумот и на теренот и надвор од него. Ми беше чест да го носам овој дрес и да го претставувам клубот. Тренто засекогаш ќе остане важен дел од мојата приказна“, порача македонскиот кошаркар.

Grazie Jaki!

The Dolomiti Energia Trentino announces that Andrej Jakimovski has exercised the opt-out clause included in the contract signed in the summer of 2025, which would have kept him with the club through the 2026-27 season

The Club would like to thank Andrej for his… pic.twitter.com/YtlBtUOx2P

— Dolomiti Energia Trento (@AquilaBasketTN) June 22, 2026

Првата мисија на Обрадовиќ во Панатинаикос има име и презиме – Богдан Богдановиќ