ВИДЕО | Се скандираше и се пееше — навивачите на Панатинаикос спектакуларно го пречекаа Обрадовиќ
Враќањето на човекот кој одбележа една ера во европската кошарка предизвика вистинска еуфорија во Атина. Легендарниот српски стручњак Жељко Обрадовиќ повторно е меѓу „зелените“, а навивачите на Панатинаикос му приредија спектакуларен пречек во новиот дом на клубот.
Препорачано
-
1
-
2
-
3
За навивачите на гигантот од Атина ова е посебен ден, а доказ за тоа се и сцените во арената каде што се собраа повеќе од 3.000 фанови на Панатинаикос. Со факели, знамиња, песни и скандирање на името на најтрофејниот европски тренер, претставувањето се претвори во славеничка атмосфера каква што обично се гледа по освојување на трофеј.
Кога се појави пред присутните, Обрадовиќ беше пречекан со стоечки овации. Покрај него беше и сопственикот на клубот, Димитрис Јанакопулос, кој со насмевка го придружуваше низ толпата и уживаше во овациите што ги доби српскиот стратег.
Ο Ομπράντοβιτς γνώρισε την αποθέωση στο «T-Center» από τον κόσμο του Παναθηναϊκού#ingr #παναθηναικος #obradovic #coach #επιστροφη pic.twitter.com/lzpgLJU4FO
— in.gr/news (@in_gr) June 22, 2026
„Среќен сум, секако. Искрено, не очекував дека салата ќе биде исполнета со луѓе. Ова требаше да биде прес-конференција на која ќе одговориме на неколку прашања, но се претвори во нешто навистина посебно. Уште еднаш им благодарам. Знам дека сите овие години чувствуваат љубов кон мене, дури и кога бев на спротивната страна. Сега повторно сум тука. Нема што многу ново да се каже. Многу сум среќен и подготвен да почнам со работа“, изјави Обрадовиќ.
Тој откри и кога ја донел конечната одлука за враќање во Атина.
„Кога во ноември го напуштив Партизан, многумина ми се јавуваа и ме прашуваа каде ќе ја продолжам кариерата. Сите тие повици ги препраќав кај мојот пријател, кој воедно е и мој менаџер. Уште тогаш кажав дека разговорите ќе ги водам во овој период и дека одлуката ќе биде донесена околу 20 јуни. Така и се случи. Пред два дена имавме состанок и работите се одвиваа токму како што очекував. Верував дека е неопходно да останам доследен на себеси и на она што си го ветив. Во текот на целиот овој период размислував за многу работи. На крајот се сретнавме и разговаравме. Тоа беше многу отворен и директен“, додаде искусниот стратег.
Zeljko Obradovic, 14 yıl sonra yeşiller içinde OAKA’da!pic.twitter.com/ZYIkmShXkK
— Euroleague Time (@euroleague_time) June 22, 2026
Првата мисија на Обрадовиќ во Панатинаикос има име и презиме – Богдан Богдановиќ
