Фудбалерите на Вардар продолжуваат со подготовките во Норчија, а денешниот ден го искористија за меѓусебен тренинг-натпревар со цел стручниот штаб дополнително да ја провери формата на играчите.

Тимот беше поделен во две екипи, при што за едната настапија Диковски, Пуељо, Матиќ, Мишковски, Дурански, Босанчиќ, Николов, Спахиу, Данев, Торес и Омерагиќ, додека во спротивниот состав беа Талески, Јанкулов, Најдовски, Велковски, Маневски, Тодоровски, Бабунски, Пиреш, Закариќ, Јаков и Герсон.

Дуелот заврши со победа на екипата во „црвено-црните“ дресови со резултат 2:1. Стрелци за победничкиот тим беа Спахиу и Куестас, додека единствениот погодок за поразениот состав го постигна Закариќ.

Натпреварот го водеше Даријан Илчевски, судија со потекло од Гостивар, кој е дел од судиската организација на Италијанската фудбалска федерација.

Внимание привлече и Герсон Родригез, кој заработи црвен картон и предвреме беше испратен во соблекувалната, потврдувајќи ја својата репутација на темпераментен фудбалер.