Жена од Словенија вчера предизвикала пожар во станбена зграда откако заспала со запалена цигара, при што чадот се проширил низ целиот објект, објави „Дневник“.

Полицијата во градот Цеље околу 14:30 часот добила пријава за пожар во станбен блок на улицата Иршичева. Пожарникари од Цеље и доброволците од противпожарното друштво Острожно го обезбедиле местото на настанот, ја извлекле жената од станот и ги евакуирале останатите станари.

Пожарникарите го изгаснале пожарот, ја исклучиле струјата во станот, ја затвориле плинската боца и ја проветриле целата зграда, соопштила локалната Управа за заштита и спасување. На жената, која вдишала чад, ѝ била укажана медицинска помош.

Според полицијата во Цеље, жената заспала во станот со запалена цигара, поради што се запалил душекот, а чадот се проширил низ целата зграда.

Против неа ќе биде поднесена кривична пријава поради сомнение за предизвикување општа опасност.

ВИДЕО | Трагедијата која ја потресе Британија доби завршница: Родители заспале со запалена цигара, четири деца им загинаа во пожарот