Жаирзињо, Ромарио, Роналдо, Ривалдо, и сега Винисиус во 2026 – дали историјата се повторува?
Бразил три пати до ова Светско фудбалско првенство имаше играч кој беше стрелец секој од трите натпревари по групи – и секогаш на крајот беше шампион. Сега, Винисиус Жуниор постигна таков подвиг и покажува дека е најдобар кога е тука Карло Анчелоти.
Препорачано
Пет ѕвездички го красат грбот на Бразил како единствен тим што толку многу пати владеел со светот, а последните три дојдоа кога оваа јужноамериканска селекција го имаше истиот стрелец низ три натпревари од групната фаза на Светското првенство.
Жаирзињо во 1970 година, Ромарио во 1994 година, Роналдо и Ривалдо во 2002 година беа на некој начин најава дека Бразил ќе биде светски шампион во тие години. Освен нив, единствениот што постигна таков подвиг е Винисиус Жуниор на ова Светско првенство.
Vinicius Junior has now scored five World Cup goals for Brazil
⚽ vs. South Korea (2022)
⚽ vs. Morocco (2026)
⚽ vs. Haiti (2026)
⚽⚽ vs. Scotland (2026)How far up the list will he be at the end of the tournament? 🤔@bet365 #Ad | 18+ GambleAware | T&Cs Apply |… pic.twitter.com/l6eKf9iOvY
— Squawka (@Squawka) June 25, 2026
За многу Бразилци, тоа е вистински знак дека великанот од Јужна Америка би можел повторно да стигне до Златната Божица. И соиграчите на Винисиус веруваат во тоа.
– Јасно е дека напредуваме и дека даваме сѐ од себе за да ја постигнеме нашата цел – да ја освоиме шестата титула – рече Матеус Куња.
По еден гол против Мароко и Хаити и два во мрежата против Шкотска – настапот на Винисиус во групната фаза е уште еден доказ дека бразилскиот репрезентативец е најдобар во светот кога е тренер Карло Анчелоти.
Ова се покажа и на натпреварот против Шкотска, каде што асот на Реал Мадрид имаше најмногу допири на топката во противничкиот шеснаесетник (13), најмногу добиени дуели (9), шутеви (8), шутеви кон голот (5)…
– Сега доаѓа најдобриот дел… Имаше многу позитивни работи, не примивме гол, а враќањето на Нејмар е важно и може многу да ни помогне – нагласи Винисиус.
Most goals scored at the 2026 World Cup:
5 – Lionel Messi
4 – Vinicius Jr
4 – Kylian Mbappé
4 – Erling HaalandThe biggest names in football have TURNED UP. 🤩 pic.twitter.com/9WAG3mnkLx
— Squawka (@Squawka) June 25, 2026
„Седумката“ на Бразил најави и супер интересна трка за најдобар стрелец на Светското првенство – пред него е Лионел Меси со пет гола, додека Килијан Мбапе и Ерлинг Халанд имаат по четири.
Во 1970 година, Жаирзињо постигна гол против Чехословачка, Англија и Романија, а Бразил подоцна ја победи Италија во финалето на (4:1) кога Жаирзињо исто беше стрелец.
Што се однесува до Ромарио, негови „жртви“ беа Русија, Камерун и Шведска, а Бразил повторно беше подобар од Италија во финалето во 1994 година во Лос Анџелес.
Роналдо и Ривалдо блескаа против Турција, Кина и Костарика, а во 2002 година стигнаа до последната титула досега преку Германија.
