Европската кошаркa би можела да добие еден од најшокантните трансфери во последните години. Според најавите од турските и европските медиуми, искусниот плејмејкер Шејн Ларкин е многу блиску до премин во Фенербахче, потег што би предизвикал вистински земјотрес во Истанбул.

Ларкин изминатите осум сезони беше заштитно лице на Анадолу Ефес, клуб со кој освои две титули во Евролигата и се вброи меѓу најдобрите кошаркари во историјата на натпреварувањето. Токму затоа евентуалниот трансфер кај големиот ривал би бил дочекан со огромно внимание од кошаркарската јавност.

Фенербахче веќе активно го засилува ростерот за новата сезона, а доаѓањето на Ларкин би било најголемото засилување во обидот повторно да се нападне европскиот врв. Американецот со турски пасош со години е еден од најдоминантните бекови во Евролигата и играч кој може сам да решава натпревари.

Доколку договорот биде официјализиран, Ларкин ќе стави крај на една блескава ера во Ефес и ќе отвори ново поглавје во кариерата, но и едно од најконтроверзните ривалски преминувања во историјата на турската кошарка.

Шариќ се врати во Анадолу Ефес