И покрај освоениот бод против Англија (0:0), селекторот на Гана, Карлош Кеирош, не беше задоволен од судиските одлуки и реакцијата на ВАР системот, особено во завршницата од натпреварот.

Гана одигра цврст и дисциплиниран натпревар против фаворитот, со што освои значаен бод во борбата за пласман во нокаут-фазата. Сепак, клучниот момент се случи во 79. минута, кога по дуелот меѓу Езри Конса и Принс Квабена Аду во шеснаесетникот, гостите бараа пенал, но судијата Саид Мартинез не реагираше, а од ВАР собата немаше интервенција.

По натпреварот, Кеирош остро реагираше, изразувајќи сомнеж во работата на ВАР системот.

„Не сум сигурен дали ВАР воопшто функционира на Светското првенство. Имам сериозни сомнежи. Тоа мораше да биде пенал и црвен картон за Англија“, изјави селекторот на Гана.

En un mundo con tanta injusticia, necesitamos que el fútbol — el deporte del pueblo — nos de confianza en que la humanidad puede cambiar. No que vuelva a recordarnos el acoso de los poderosos sobre el resto del mundo.
¡Vergonzoso no cobrar este penal contando también con el VAR! pic.twitter.com/p0lg00T5rg

— Federico Manfredo (@FedeManfredo) June 24, 2026

Поранешниот селектор на Иран беше особено креативен во коментирањето на случувањата на теренот.

„Изгледа како ВАР судијата отишол да пие кафе, да не беше така, ќе добиевме пенал и ќе победевме. Нема проблем, и јас сакам да пијам кафе, но пеналот беше чист и англискиот играч мораше да добие црвен картон.“

Во финишот на натпреварот се случи и краток инцидент на теренот меѓу Џуд Белингам и клупата на Гана, кој сепак брзо бил смирен и не прерасна во посериозен конфликт.

ВИДЕО | Мундијалски вести: Бесмртниот Роналдо и докторската дисертација на Карлош Кеирош

ВИДЕО | Мундијалски вести: Бесмртниот Роналдо и докторската дисертација на Карлош Кеирош