Турскиот евролигаш Анадолу Ефес го врати хрватскиот репрезентативец Дарио Шариќ во своите редови, означувајќи почеток на реконструкцијата на тимот.

Шариќ се враќа во клубот каде што настапуваше од 2014 до 2016 година и со кој освои два трофеи, а со Ефес потпиша договор до јуни 2028 година со опција за продолжување на уште една сезона.

По десет години во НБА лигата, каде одигра 498 натпревари за Филаделфија, Минесота, Феникс, Оклахома, Голден Стејт, Денвер и Сакраменто, хрватскиот кошаркар се враќа во Европа со просек од 10,3 поени, 5,4 скока и 1,9 асистенции по натпревар.

Во последните сезони имаше ограничена минутажа, а во Денвер одигра само 16 натпревари, по што беше јасно дека следи враќање на Стариот континент и нов почеток во Евролигата.