Откако претходно УЕФА го скрати списокот на потенцијални противници на Вардар во квалификациите за Лигата на шампионите, европската куќа на фудбалот ги објави и можните ривали на македонските претставници во Конференциската лига.

Македонскиот фудбал во ова натпреварување ќе го претставуваат Шкендија и Силекс, кои денеска ќе го очекуваат исходот од ждрепката во Нион.

Тетовска Шкендија во првото квалификациско коло може да се сретне со Малишева, УНА Штрасен, Пенибонт, Рунавик или Номе Каљу, додека кратовски Силекс за противник ќе добие еден од следните клубови: Астана, Пјуник, Динамо Минск, Дила Гори или Ескалдес.

Ждрепката за новата европска сезона е закажана за денеска во седиштето на УЕФА во Нион и ќе започне во 18:00 часот, кога македонските претставници ќе ги дознаат своите први пречки на патот кон групната фаза од Конференциската лига.

ВИДЕО | Уругвајците во САД беа претресувани со кучиња како криминалци