На 13 и 14 јуни, на новиот терен во парк „Авионче“, се одржа четвртото издание на Red Bull Half Court во Македонија, каде 20 екипи се бореа за националната титула и место на светското финале на Филипини.

После трите одлични изданија на Red Bull Half Court на игралиште Влае, годинава во главниот град повторно се врати најголемиот 3х3 спектакл – овојпат на нова локација, на нов терен и со нов национален победник. Оваа година, освен баскетот, во центарот на вниманието беше и теренот исцртан со победничкиот дизајн на Лилија Ивановска, чија идеја беше претворена во реалност и за првпат оживеа токму за време на Red Bull Half Court. Дизајнот беше избран од жирито составено од Сатја Грабулоски и Тони Зен.

Натпреварот започна на 13 јуни со групната фаза, каде 20 тимови влегоа во “трката“ за националната титула и шанса да ја претставуваат Македонија на светското финале во Манила во декември.

Покрај крајно неизвесните натпревари, она што првиот ден дополнително ја вжешти атмосферата, беше настапот на хип хоп легендата Тони Зен, кој во своето маало ја изненади публиката и создаде вистинска еуфорија на новиот терен. Неговиот настап доби уште посилна симболика бидејќи на дизајнот на теренот се испишани стиховите од неговата песна “Моето маало”, поврзувајќи ги музиката, уметноста и уличната кошарка во една заедничка приказна.

Вториот ден од Red Bull Half Court го одбележаа уште бројни дуели и атрактивни потези во четвртфиналето, полуфиналето и финалето, а место во полуфиналето обезбедија екипите на Sinatra, Solution 3×3, Euroedil Holding и Аптека Фармакон. Во првото полуфинале играа екипите на Sinatra и Solution 3×3, а натпреварот заврши со резултат од 17:13, додека пак второто полуфинале се одвиваше помеѓу тимот Euroedil Holding и Аптека Фармакон, со краен резултат 19:6.

Борбата за место во големото финале донесе нова доза на неизвесност за публиката, а на крај екипите кои го обезбедија своето место во финалето беа Sinatra и Euroedil Holding.

Четвртото издание на Red Bull Half Court на публиката ѝ донесе уште еден спектакуларен момент, каде пред почетокот на големото финале, својот премиерен настап во Македонија го имаше четирикратниот светски шампион во забивање – Red Bull спортистот Grabo Dunks. Со серија неверојатни забивања и најразлични варијации од истите ги воодушеви гледачите, а во својот настап вклучи и повеќе од десет посетители кои имаа можност да станат дел од шоуто што дефинитивно долго ќе се памети.

Финалната пресметка започна веднаш по фантастичниот настап на Grabo Dunks, каде тимовите Euroedil Holding и Sinatra водеа тесна битка до самиот финиш, а на крај, титулата им припадна на тимот Sinatra, со тесен резултат од 21:19.
Следната станица за новите национални шампиони е светското Red Bull Half Court финале на Филипини, каде екипата Sinatra ќе ја претставува Македонија меѓу најдобрите 3×3 тимови од целиот свет.

13 и 14 јуни дефинитивно ќе останат запаметени како датуми што отворија уште едно ново поглавје во 3×3 заедницата во Македонија, а екипите веќе можат да се спремаат за следното издание на Red Bull Half Court!

Спонзорирана објава