Саудиска Арабија беше на чекор до големо изненадување, но на крајот мораше да се задоволи со реми од 1-1 против Уругвај во натпревар од првото коло во групата Х на Светското првенство.

По израмнетото прво полувреме, Саудијците поведоа во самиот финиш преку Абдулелах Ал Амри, кој најдобро се снајде по корнер и ја затресе мрежата на Муслера. Во продолжението Уругвај целосно ја презеде иницијативата и по неколку пропуштени шанси конечно стигна до израмнување во 80. минута, кога Макси Араухо погоди за конечни 1-1.

По првото коло во групата Х владее целосна рамнотежа, бидејќи сите четири репрезентации имаат по еден освоен бод.