Францускиот министер за надворешни работи Жан-Ноел Баро го осуди рускиот напад врз катедралата во Киев и го изедначи со бомбардирање на познати места како Нотр Дам, нарекувајќи го неприфатлив за време на состанокот на министрите за надворешни работи на ЕУ, објави Фигаро.

„Ова е место под заштита на УНЕСКО, што за нас во Франција е исто како да биле бомбардирани Нотр Дам или базиликата Сен Дени. Апсолутно неприфатливо“, рече Баро по пристигнувањето во Луксембург на состанок на министрите за надворешни работи на Европската Унија.

Четири лица беа убиени во нападите врз Киев, додека уште пет спасувачи ги загубија животите додека гаснеа пожар предизвикан од удар во североисточниот град Харков, објавија украинските власти.

Русија изврши бран напади врз Украина, загинаа девет луѓе — оштетен е Манастирот на пештерите

Катедралата Успение во Киево-Печерската лавра од 11 век беше значително оштетена, што украинските власти го опишаа како „брутален напад врз украинскиот народ и наследство“. Поголемиот дел од Украина денес беше под предупредувања за воздушен напад. Најмалку 23 лица беа ранети во нападите врз Киев, додека уште пет лица беа повредени во Харков.

Катедралата Успение на Пресвета Богородица е дел од Киево-Печерската Лавра, комплекс од манастирски згради што е под заштита на УНЕСКО.

„Итно ќе ги покренеме сите релевантни процедури во рамките на УНЕСКО и другите меѓународни механизми и ќе побараме итни и соодветни реакции на ова државно варварство“, најави украинскиот министер за надворешни работи Андриј Сибиха.

Полска крена борбени авиони

Ова не е првпат катедралата да биде погодена. За време на Втората светска војна, таа беше речиси целосно уништена, освен југоисточната кула, според УНЕСКО. Катедралата беше реновирана пред приближно 25 години во согласност со архитектонските форми на украинскиот барок од крајот на 18 век.

Соседна Полска објави дека кренала борбени авиони и ставила во состојба на готовност системи за воздушна одбрана како „превентивен“ одговор на руските напади врз Киев. Нападите доаѓаат пред состанокот на Г7, кој ќе се одржи во Франција оваа недела, каде што една од главните теми ќе биде војната во Украина.

Руски напад врз Харковската Област уби четворица, Украина продолжува со дронски удари

Украинскиот претседател Володимир Зеленски вчера објави дека разговарал со американскиот претседател Доналд Трамп за напорите за прекин на долготрајниот конфликт.

ВИДЕО | Украинец нокаутира армиски офицери кои запреле друг човек за да го земат во војска