Времето денеска ќе биде сончево и топло. Во попладневните часови во крајните северозападни делови ќе има услови за појава на слаб локален дожд, грмежи и ретка појава на град, информира Управата за хидрометеоролошки работи.

Ќе дува слаб до умерен, а во западните делови повремено засилен северен ветер.

Утринските минимални температури се движат меѓу  8 и 17 степени, а дневните максимални температури ќе достигнат од 25 до 37 степени.

Во Скопје времето ќе биде сончево и топло со мала до умерена облачност. Ќе дува слаб до умерен ветер од променлив правец.