Летото во Македонија и на северната хемисфера официјално почнува денеска во 10 часот и 24 минути. Во истиот момент, на Јужната полутопка започнува зимата.

Денешниот ден го означува летниот сонцестој, односно астрономскиот почеток на летото. Тоа е денот со најдолга дневна светлина и најкратка ноќ во годината.

Во Скопје, Сонцето изгреа во 4 часот и 58 минути, а ќе зајде во 20 часот и 13 минути, што значи дека денот ќе трае 15 часа и 14 минути.

На првиот ден од летото се очекува сончево и топло време во претпладневните часови.

Попладне, во северозападните делови од земјата, ќе има услови за ретки грмежи. Ќе дува слаб до умерен северозападен ветер, кој во западните делови повремено ќе засилува.

Максималната дневна температура ќе се искачи до 35 степени.

Летото годинава ќе трае до 23 септември во 2:05 минути, кога астрономски ќе започне есента.

Денеска ќе биде сончево и топло, но попладне може да заврне и да падне град