Неколкумина млади превртуваа контејнери, се возат врз нив и ги шутираат во училишен двор во скопската населба Аеродром. Ова се гледа на видео кое на Фејсбук профилот го објави градоначалникот на Аеродром, Дејан Митески.

– Два дена по ред, околу 22:30 часот, иста група млади лица со мотори вандализира училишен двор во Аеродром. Превртуваат контејнери, оштетуваат урбана опрема и оставаат неред во простор наменет за учениците и граѓаните. Лицата се идентификувани и поднесена е соодветна пријава. За жал, вакво однесување е забележано и на повеќе локации низ општината, со уништување на урбана опрема, детски игралишта и други јавни содржини. Поради тоа, во соработка со МВР ќе бидат засилени контролите и надзорот на критичните локации – напиша Митески.