Откако изминативе неколку месеци беше раскопана и со прашина, конечно започна промената на подлогата и останати активности во однос на обнова на трговскиот центар во населбата Лисиче, а градоначалникот на Аеродром Дејан Митески информира дека трговскиот треба добие нови шаховски табли, урбана опрема и детско игралиште.

-Во рамки на проектот се врши комплетно поплочување на околу 6.000 квадратни метри, се поставува нова урбана опрема, шах-маси и детско игралиште, а посебен акцент е ставен на целосно хортикултурно уредување и ново осветлување на целиот трговски центар. Трговскиот центар во Лисиче не добива само нови плочки. Го уредуваме целокупниот простор – со ново зеленило, современо осветлување, урбана опрема и содржини што ќе го направат ова вистинско место за собирање и дружење на граѓаните“, рече градоначалникот Митески.

Тој додаде дека целокупниот проект чини 22.2 милиони денари, или околу 360 илјади евра.