Градоначалникот на градот, Орце Ѓорѓиевски, на последната седница за советнички прашања во Советот на Град Скопје изјави дека во фаза на подготовки е изградба на три нови јавни тоалети во централното подрачје на градот.

-Во моментов имаме Тоифор тоалети за кои не велам дека се најисправното и најдоброто решение, во подготвителна фаза се три современи тоалети кои за брзо време ќе бидат ставени во функција- изјави Ѓорѓиевски во одговор на советничко прашање.

Тој истакна дека еден јавен тоалет ќе биде во Градски парк, вториот ќе биде помеѓу плоштадот „Македонија“ и паркот „Жена-борец“, додека пак третиот треба да биде сместен кај плоштадот „Филип Втори“.

Ако ви „згусти“, трчајте до молови и кафулиња, Скопје нема јавни тоалети!