Децата до 10-годишна возраст од основните училишта во Центар и оваа лето ќе можат да бидат згрижени во неколку градинки. Од Општина Центар велат дека ова претставува поддршка за родителите додека учениците се на распуст.

Им излегуваме во пресрет на родителите кои поради работните обврски имаат потреба од згрижување на своите деца во текот на летото. Со оваа мерка им помагаме на семејствата полесно да се организираат, а на децата им овозможуваме едукативни и квалитетни содржини во нашите воспитно-образовни установи, истакна градоначалникот на Општина Центар, Горан Герасимовски.

Деца од две градинки во Козле сместени во еден објект, спијат и јадат на „бина“ — Општината тврди дека условите се добри

Во градинките „13 Ноември“, „Кочо Рацин“ и „Раде Јовчевски Корчагин“ згрижени се 116 ученици, каде, како што велат од Општината, го поминуваат времето во безбедна средина, преку разни активности прилагодени на нивната возраст.

Од Општината посочуваат дека се единствената локална самоуправа во државата која организира ваков тип летно згрижување за деца од училишна возраст, со цел да да обезбеди континуирана грижа за семејствата и во летниот период.