Педесет и двегодишен вработен во ЕВН бил пронајден починат во кривопаланечкото село Огут, каде извршувал работни задачи, соопшти Министерството за внатрешни работи.

Според информациите, случајот бил пријавен вчера во 13 часот.

„На 16.06.2026 во 13:00 часот во ОВР Крива Паланка, од Јавната здравствена установа Крива Паланка е пријавено дека на место викано „Пољана“ во село Огут, кривопаланечко, има починато лице. По преземени мерки било констатирано дека се работи за С.Ј.(52) од Крива Паланка, вработен во ЕВН, кој починал додека извршувал работни задачи“, соопштија од полицијата.

Лекар констатирал смрт, а по наредба на јавен обвинител, телото на починатиот е предадено во Судска медицина за обдукција. Извршен е увид од увидна екипа на ОВР – Крива Паланка.

Тешка несреќа на скопската обиколница — се судрија камион и кола