Претседателката на собраниската Комисија за здравство, Рашела Мизрахи, денеска соопшти дека ќе се побара мислење од експерти за амандманите кои се поднесени на предлог-законот против пушење, со цел да останат во согласност со ЕУ директивите.

Собраниската Комисија ја прекина расправата за предлог-законот за заштита од употреба на производи од тутун или сродни производи, откако Мизрахи соопшти дека за сите осум поднесени амандмани ќе бидат побарани експертски консултации.

„Поради природата на амандманите и поради потребата за ефикасност, а не чиста политика, земајќи предвид дека се работи за реформски закон со европско знаменце, ќе побараме консултации од експертски лица по прашање на сите амандмани за тие да не ги пробијат текстовите на ЕУ директивите со кои се усогласуваме“, рече Мизрахи.

Продолжението на седницата ќе биде дополнително закажано. На седницата беа поканети членовите и заменик-членовите на Комисијата, како и министерот за здравство, Азир Алиу.

Со новиот закон се забранува рекламирање и промоција на тутунски производи