Премиерот Христијан Мицкоски најави дека реконструкцијата на Владата ќе биде формализирана до крајот на јуни, а најдоцна до 1 јули предлог-составот треба да се најде пред пратениците во Собранието.

„Чувствителен процес“ – ВМРО-ДПМНЕ почнува разговори со ЗНАМ и Вреди за реконструкција на Владата

Тој додаде дека разговорите со коалициските партнери се одвиваат во добра атмосфера и дека во моментов се разгледуваат различни опции, вклучително и можни промени на ресори и кадровски решенија.

„Се разгледуваат секакви опции. Во добра и пријатна атмосфера беше вчерашниот состанок. Многу бргу ќе го затвориме овој прв дел од процесот, кој се однесува на првиот ешалон“, изјави Мицкоски.

По завршувањето на реконструкцијата во Владата, тој соопшти дека ќе следува и втора фаза која ќе ги опфати директорските позиции, подрачните единици и локалното ниво.

Кога Мицкоски прозива, сите молчат и ракоплескаат

Според него, во дел од институциите има простор за подобрување на резултатите, додека за најголемиот број функционери Владата е задоволна од нивната работа.