Аеродромите во Рим ќе мора да го суспендираат новиот дигитален граничен систем на Европската Унија за државјаните кои не се членки на ЕУ за да избегнат „катастрофа“ во текот на летните туристички месеци, предупреди раководителот на операторот кој управува со аеродромите, објави „Гардијан“.

Тој рече дека дозволувањето на патниците да го заобиколат биометрискиот систем за влез/излез (ЕЕС) е единствениот начин да се спречи сообраќаен хаос во текот на летните месеци, а на слични проблеми предупредуваат и други раководители на европски аеродромски служби, објавува „Гардијан“.

Според новиот систем дизајниран за контрола на надворешните граници на блокот, државјаните кои не се членки на ЕУ, вклучително и Британците, мора да дадат отпечатоци од прсти и да се подложат на скенирање на лицето кога првпат ќе влезат во блокот. Системот првпат беше воведен минатиот октомври и целосно стапи во функција кон средината на април по серија одложувања.

Поради технички тешкотии, ЕЕС предизвика долги редици дури и пред почетокот на летната патничка сезона, поради што некои патници ги пропуштија своите летови.

„Многу сме загрижени за летото“, изјави за „Фајненшл тајмс“ Марко Тронконе, извршен директор на „Аеродроми ди Рома“, компанија кои управува со аеродромот Фјумичино и помалиот аеродром Чампино.

На скала од еден до десет, Тронконе рече дека неговите загрижености сега се „осум или девет“.

Тој додаде:

„Оваа постапка се покажа како несинхронизирана со врвот на сообраќајот со кој ќе се соочиме. Значи, единствениот начин е да се отвори вентилот. Нема начин да обезбедиме 100% регистрација.“

Ако има метеж на граница, системот ЕЕС во Грција може привремено да функционира без земање биометриски податоци