ФИФА го суспендираше Катарецот кој му ја скрши ногата на Коне
Катарскиот репрезентативец Асим Мадибо доби суспензија од пет натпревари поради грубиот старт со кој му ја скрши ногата на канадскиот фудбалер Исмаел Коне на Светското првенство.
Препорачано
29-годишниот играч за врска беше исклучен на натпреварот против Канада, кој Катар го загуби убедливо со 6-0, а дисциплинската комисија на ФИФА дополнително го санкционираше поради, како што е наведено, „сериозен прекршок“. Мадибо има право на жалба на донесената одлука.
Последиците од стартот беа сериозни за 24-годишниот Коне, кој се здоби со скршеници на тибијата и фибулата на левата нога. Поради тешката повреда, за канадскиот репрезентативец Светското првенство е завршено и според најавите го чека пауза од околу шест месеци.
Во меѓувреме, Катар го заврши својот настап на Мундијалот. Во директната пресметка за третото место во групата и можен пласман во нокаут-фазата, катарската селекција беше поразена од Босна и Херцеговина со 3-1.
Босанците поведоа во 29. минута преку Керим Алајбеговиќ, а само пет минути подоцна Султан Ал-Браке ја затресе сопствената мрежа за водство од 2-0. Хасан Алхајдос намали на 2-1 пред паузата, но Ермин Махмиќ во 80. минута ги постави конечните 3-1 и ги потврди трите бода за Босна и Херцеговина.
ВОЗНЕМИРУВАЧКО ВИДЕО | Страшната повреда на Коне го засени триумфот на Канада
Канада ќе стане првиот домаќин на еден Мундијал кој нема да игра на свој терен
Во недела можеме да бидеме сведоци на најголемиот мундијалски срам во историјата
