Ракометниот клуб Бутел Скопје продолжува со засилувањата за новата сезона, а најново име во редовите на скопскиот суперлигаш е голманот Марко Богдановски, кој стави потпис на двегодишен договор.

25-годишниот чувар на мрежата пристигнува од актуелниот шампион Вардар каде што помина две и пол сезони и беше дел од тимот што ја освои двојната круна во македонскиот ракомет.

Со трансферот во Бутел, Богдановски повторно ќе соработува со Стојанче Стоилов, кој од ова лето ќе ја извршува функцијата шеф на стручниот штаб на клубот.

Кариерата на Богдановски започна во школата на Металург, а потоа настапуваше за Јуниор Кисела Вода, Голден Арт и Аеродром, а во Вардар беше од 2022 година.

Со неговиот ангажман Бутел го формираше голманското трио во кое се уште Градимир Чаневски и Атанасиј Трсунов.

Вардар 1961 од четвртиот шешир ги дознава ривалите во Лигата на шампионите