Германија претрпе пораз од Еквадор со 2-1 во последното коло од групната фаза на Светското првенство, но и покрај тоа го задржа првото место во групата, но затоа победата за Еквадорците е од огромно значење.

Тргнаа одлично фаворитите и го отворија натпреварот уште во втората минута преку Лерој Сане. Сепак, Еквадор брзо возврати и во деветтата минута Ангуло со прецизен удар од далечина го совлада Ноер за 1-1, резултат со кој се замина и на паузата.

На стартот од второто полувреме Германија доби пенал, но по интервенција на ВАР одлуката беше променета поради претходно направен прекршок во акцијата. Тоа како да им даде дополнителен мотив на Еквадорците, кои во продолжението беа поконкретни и поопасни. Нивната иницијатива беше крунисана во 77. минута, кога Плата ја затресе мрежата за целосен пресврт и победа од 2-1.

И покрај поразот, Германија остана лидер во групата, додека Еквадор со освоените четири бода е на добар пат да обезбеди место во нокаут-фазата како една од најдобрите осум третопласирани селекции.

Во вториот натпревар од групата немаше изненадување. Брегот на Слоновата Коска со сигурни 2-0 го совлада Курасао, стигна до шест бода и го потврди второто место на табелата.