Турција го заврши својот настап на Светското првенство со победа од 3-2 против САД, но и покрај триумфот не успеа да обезбеди пласман во нокаут-фазата.

Сепак, нивниот последен меч ќе остане запаметен по голот на Каан Ајхан, кој во 97. минута и 50. секунда донесе победа за Турците. Според статистиката на „Опта“, станува збор за еден од најдоцните победнички голови во историјата на Светските првенства, односно втор најдоцен откако се води ваква евиденција од 1966 година.

Пред Ајхан е само иранскиот фудбалер Рузбе Чешми кој против Велс стрелаше во 101 минута на Мундијалот во Катар во 2022 година. Иако елиминацијата е реалност за Турција, тие го завршија турнирот со драматична победа и историски момент за паметење.

ВИДЕО | Мундијалски вести: Еквадор преку пресврт ја совлада Германија, „лалињата“ играат застрашувачки