Полицијата во Мексико трага по самопрогласен одмаздник, кого медиумите го нарекоа „Бетмен“, бидејќи бркал осомничени крадци и ги врзувал за бандери, објави „Њујорк пост“.

Најмалку пет мажи биле пронајдени врзани со селотејп за улични столбови во период од 10 дена, почнувајќи од 13 јуни, во областа Лагос де Морено, во сојузната држава Халиско.

Наводните крадци на лицата имале нацртани мачешки мустаќи, а на некои им бил напишан и зборот „крадец“ на шпански.

Мистериозниот чувар на редот – кого мексиканските медиуми го нарекоа „Бетмен од Лагос де Морено“ – покрај врзаните луѓе оставал мотори за кои наводно се сомнева дека ги украле, со цел да ги покаже нивните дела.

Полицијата се обидува да го пронајде сторителот, изјави државниот секретар за безбедност, Хуан Пабло Ернандез.

Мажите биле ослободени и добиле медицинска помош за повредите. Засега не е познато дали се истражуваат за наводните кражби.

ВИДЕО | Вознемирувачка сцена во Бања Лука — татко го врзал синот за бандера и се карал со полицајци