Понеделнички ќе нема струја на повеќе скопски улици, прекините ќе траат и осум часа
Жителите на неколку скопски улици во понеделник ќе бидат без струја поради планирани технички интервенции во електромрежата, информираат од „ЕВН“.
Препорачано
„ЕВН Македонија“ најави дека екипите ќе излезат на терен во раните утрински часови, па граѓаните во дел од Драчево треба да бидат подготвени за прекин уште во 5 часот.
Во периодот од 05:00 до 13:00 часот без електрична енергија ќе бидат корисниците на улица „Герника“ на броевите 8 и 10.
Во истиот утрински термин, односно од 05:00 до 13:00 часот, планиран прекин на напојувањето ќе има и на улица „Иван Хаџиниколов“ на броевите 3 и 5.
Претпладнето без струја ќе бидат и корисници во општина Карпош.
Таму, во период од 09:00 до 13:00 часот, без напојување ќе бидат објекти на улица „Вангел Дину“, како и дел од непарните броеви на улица „Франце Прешерн“ во населбата Влае во Карпош.
