Шумски пожар избувна доцна синоќа на хрватскиот остров Вис, во близина на Комижа, Хрватска. Огнот зафатил борова шума и ниска медитеранска вегетација, а состојбата на терен и понатаму е сериозна.

Во акцијата за гаснење се вклучени 70 пожарникари со 15 противпожарни возила. Ангажирани се и канадери, а дополнителна помош пристигнува и од копното.

Според надлежните, пожарот сè уште не е ставен под контрола. Локализирањето го отежнуваат сувата вегетација и брзото ширење на пламенот.

Во текот на ноќта огнот се приближил до неколку куќи. Пожарникарите успеале да ги заштитат објектите, а засега нема непосредна опасност за населението.

Уапсен маж од Тетовско — подметнал пожар на нива