Првиот човек на саудискиот фудбал си поднесе оставка по неуспехот на Мундијалот
Елиминацијата во групната фаза на Светското првенство донесе големи промени во саудискиот фудбал. Претседателот на Фудбалската асоцијација на Саудиска Арабија, Јасер Ал Мишехал, поднесе оставка по неуспешниот настап на националната репрезентација.
Препорачано
Ал Мишехал стави крај на својот седумгодишен мандат, откако Саудиска Арабија го заврши Мундијалот на последното место во групата Х со само два освоени бода. Ремито без голови против Зеленортските Острови беше доволно само за елиминација, а првиот човек на федерацијата реши да ја преземе одговорноста за неуспехот.
„Ова не е резултат што ги одразува нашите заеднички амбиции. Јас ја преземам целосната одговорност за овој неуспех“, изјави Ал Мишехал при објавувањето на својата оставка.
За Саудиска Арабија ова беше уште едно разочарување на светските првенства. Во своите седум настапи на Мундијалите, репрезентацијата само еднаш успеала да ја мине групната фаза – во 1994 година во САД, кога стигна до осминафиналето.
ВИДЕО | Мундијалски вести: Договорено реми на Алжир и Австрија, Канада е првиот осминафиналист
Марез „потврди“ дека натпреварот Алжир-Австрија е наместен: „Срамно е, но тоа е фудбалот“
