Аргентина до американските власти достави список со околу 35.000 лица на кои треба да им биде забранет влез на стадионите за време на натпреварите на аргентинската репрезентација на Светското првенство во Соединетите Американски Држави.

Меѓу лицата на списокот се наоѓаат и околу 13.000 татковци кои не ги исполнуваат своите законски обврски за плаќање алиментација.

Аргентинската министерка за национална безбедност, Алехандра Монтеолива, базата со податоци ја доставила до американското Министерство за внатрешна безбедност, Федералното истражно биро и повеќе меѓународни безбедносни агенции пред почетокот на нокаут-фазата на Мундијалот, објави „Њујорк пост“.

„На оние што не плаќаат алиментација повеќе нема да им биде дозволен влез на стадионите. Ако не ги исполнувате своите обврски, ќе останете надвор од трибините“, изјави Монтеолива.

Аргентина во шеснаесетфиналето ќе се соочи со репрезентацијата на Зеленортските Острови, а натпреварот е закажан за 4 јули.

Познати се сите натпревари и термини — почнува нокаут фазата на Мундијалот

Казна за Уругвајците — ќе се враќаат дома со редовни авионски линии

Листа на најмали држави кои играле нокаут фаза на Мундијал: Зеленортски Острови се на врвот