Српската пејачка Јелена Карлеуша, која со години јавно ја поддржува владејачката партија и српскиот претседател Александар Вучиќ, објави фотографија, очигледно генерирана со вештачка интелигенција (ВИ), на која наводно е прикажан митингот на Српската напредна странка (СНС) пред Парламентот на Србија, пишува „Нова“.

На сликата се гледа огромно српско знаме долго неколку стотици метри и маса луѓе, но и повеќе детали кои откриваат дека фотографијата е направена од вештачка интелигенција.

„Србија, земја на сите нас“, напиша Карлеуша во описот, додавајќи ја песната „Видовдан“.

Но, објавата брзо предизвика лавина реакции бидејќи луѓето го забележаа очигледниот голем пропуст. На фотографијата, на местото каде што во реалноста се наоѓа булеварот „Крал Александар“ и споменикот на Вук Караџиќ, се гледа река, што веднаш ги поттикна корисниците да се пошегуваат на сметка на пејачката, велејќи дека таа ги „потопила“ знаменитостите на српскиот главен град.

„Вечерва дознав дека со години живеам покрај брегот“, напиша еден корисник на Икс, алудирајќи на неприродниот детал на фотографијата.

Večeras sam saznao da već godinama živim na obali pic.twitter.com/KPKlI5vrMU

— Marko Drazic (@markodrazic) June 27, 2026

Набрзо почнаа да се шират и бројни фотомонтажи. Дел од нив го прикажуваа Собранието на Србија како се наоѓа на плажа, а други го сместија во близина на Кипот на слободата во Њујорк.

Корисниците на социјалните мрежи оценија дека станува збор за уште еден пример на некритичка употреба на вештачката интелигенција, а многумина коментираа дека со вакви монтажи се создава погрешна слика за големината на политичкиот собир.

Вучиќ:Ова ми се последни денови како претседател на Србија