Топлотниот бран што ја зафати Европа веќе неколку дена го нарушува секојдневниот живот во голем број земји. Екстремно високите температури влијаат врз сообраќајот, работата на училиштата, јавните настани и итните служби, а жештините не ја одминаа ниту Франција.

Токму од Франција деновиве пристигна видео кое стана вирално на социјалните мрежи. На снимката, за која се тврди дека е направена во оваа земја, се гледа маж кој на прозорец пржи јајца и сланина користејќи ја само сончевата топлина.

Иако ваквите експерименти не се новост и со години се користат како симболичен приказ на екстремните горештини, видеото повторно привлече огромно внимание бидејќи температурите во делови од Франција достигнаа и над 44 Целзиусови степени.

 

View this post on Instagram

 

A post shared by SLOBODEN PECAT (@slobodenpecat)

Жештините особено го погодија Париз, каде што властите воведоа дополнителни мерки, меѓу кои и привремена забрана за консумирање алкохол на јавни места. Болниците и службите за итна помош работат под голем притисок, а поради екстремните временски услови беше одложена и Парадата на гордоста, која наместо овој викенд ќе се одржи во септември.

Во меѓувреме, друга жителка на Париз покажа дека чоколадо оставено во стан ѝ се стопило за помалку од еден час.

Според „Некста ТВ“, Париз едноставно не е изграден за вакви температури. Тесните улици, густата урбана градба, малиот број дрвја и металните покриви што брзо се загреваат дополнително го засилуваат ефектот на горештините и претвораат делови од градот во вистински „печки“.

Топлотниот бран носи температури над 40 степени, метеоролозите прогнозираат до кога ќе трае