Зеленортските Острови испишаа историски успех на Светското првенство, откако станаа најмалата држава според бројот на жители што изборила пласман во нокаут-фазата на Мундијалите.

Според официјалните податоци, оваа островска земја има околу половина милион жители. Во групната фаза Зеленортските Острови се натпреваруваа со Шпанија, Уругвај и Саудиска Арабија, а со три бода го освоија второто место во групата и обезбедија место во елиминациската фаза.

Историјата на Светските првенства покажува дека само неколку држави со релативно мал број жители успеале да стигнат до нокаут-фазата.

На второто место на оваа листа е Северна Ирска, која во 1958 година се пласираше во втората рунда на Мундијалот со население од околу 1,4 милиони жители. Следува Уругвај, кој на првото Светско првенство во 1930 година имал околу 1,7 милиони жители, а потоа Велс, кој во 1958 година броел приближно 2,6 милиони жители.

Петта на листата е Костарика, која на Светското првенство во Италија во 1990 година стигна до нокаут-фазата со околу 3,1 милион жители.

Веднаш зад неа е Босна и Херцеговина, која според овие податоци има околу 3,1 милион жители, а на актуелното Светско првенство во шеснаесетфиналето ќе игра против домаќинот САД.

Листата ја заокружуваат Република Ирска, Парагвај, Норвешка и Хрватска, која на Светското првенство во 1998 година стигна до полуфиналето, а шампионатот го заврши на третото место, во период кога земјата имала околу 4,5 милиони жители.

 

View this post on Instagram

 

A post shared by 44teams (@44teams)

Познати се сите натпревари и термини — почнува нокаут фазата на Мундијалот